توضیحات:

e-Tabib mobil tətbiqi Azərbaycan Respublikasında koronavirus infeksiyasına yoluxma faktlarının qeydə alınmış, müalicə olunmuş və evə buraxılmış şəxslər haqqında məlumatları, tez-tez verilən suallara cavabları və profilaktik tədbirlər haqqında məlumatları təqdim edən tətbiqdir.

Mobil tətbiq Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanına əsasən yaradılmış “Tibbi Ərazi Bölmələrini İdarəetmə Birliyi” publik hüquqi şəxs (TƏBİB) tərəfindən dəstəklənir.

Mobil tətbiq “A2Z Advisors” LLC tərəfindən hazırlanmışdır. Mobil tətbiq vasitəsilə yayılan məlumat və xəbərlər “Tibbi Ərazi Bölmələrini İdarəetmə Birliyi” publik hüquqi şəxs (TƏBİB) tərəfindən təqdim olunur.

e-Təbib yaxınlıqda tətbiqin digər istifadəçilərini görmək üçün telefonunuzda Bluetooth® texnologiyasından istifadə edir. Sizin telefonunuz yaxınlığınızda olan şəxslərlə əlaqənizi müəyyən etmək üçün təhlükəsiz şəkildə həmin şəxsin id kodunu qeyd edəcək. Əgər siz, və ya əlaqədə olduğunuz şəxs COVID-19 virusuna yoluxarsa bu barədə bildiriş alacaqsınız. Bu zaman şəxsin kimliyi hiç bir halda qarşı tərəfə bildirilməyəcək və məxfi saxlanılacaq.

Mobil tətbiqin aşağıdakı COVID-19 status funksiyaları var:

• Bildirişlər: COVID-19 xəstəsi ilə əlaqəniz haqqında məlumatın bildiriş şəklində verilməsi;
• Vaksinasiya statusunun yoxlanılması və təsdiqi: bu QR və MRZ kodlarının cihazın kamerası vasitəsilə oxunması ilə həyata keçirilir;
• Vaksinasiya statusunun istifadəçinin özü tərəfindən müəyyən edilməsi.
• COVID-19 test nəticələrinin tarixçəsi;
• Vaksinasiya üçün növbənin götürülməsi;
• Gündəlik yoluxma faktları haqqında məlumat;
• Gündəlik müalicə olunmuş şəxslərin sayı;
• Profilaktik tədbirlər haqqında məlumat;
• Tez-tez verilən suallara cavablar;
• Xüsusi risk qrupları haqqında məlumat;
• Mövcud olan təlimat və qaydalar haqqında məlumat;
• Xəstəliyin simptomları haqqında məlumat.

Mobil tətbiqə giriş mobil nömrə və ya sosial şəbəkə hesabı üzərindən həyata keçirilir.

Mobil tətbiq vasitəsilə Qaynar xətt nömrələri haqqında məlumat əldə etmək imkanı təqdim edilir.

Mobil tətbiqdə Koronovirusla Mübarizəyə Dəstək Fondunun İctimai Nəzarət Şurasının iclasları haqqında məlumatlar təqdim ediləcək.

Privacy Policy and Terms of Conditions: https://a2z.az/terms/305.html