Tətbiqdə təkmilləşdirmə işləri icra edilmiş, bəzi xətalar aradan qaldırılmışdır.
“CheckApp” mobil tətbiqi peyvənd və immunitet sertifikatlarının yoxlanılması məqsədilə Elektron Hökumətin İnkişafı Mərkəzi tərəfindən yaradılmışdır. Tətbiq vasitəsilə ictimai iaşə müəssisələrində, mehmanxanalarda, iri ticarət mərkəzlərində - qapalı məkanda aidiyyatı səlahiyyətli şəxslər tərəfindən vətəndaşların peyvənd və immunitet sertifikatlarının yoxlanılması həyata keçiriləcək. Tətbiqi telefonuna yükləyən qeyd edilən obyektlərin səlahiyyətli şəxsi vətəndaşın peyvənd və ya immunitet sertifikatının QR kodunu oxutmaqla və ya şəxsiyyət vəsiqəsinin məlumatlarını daxil etməklə onun peyvənd və ya immunitet sertifikatının olub-olmamasını yoxlaya bilir. Tətbiqdən istifa qaydaları ilə təlimat videosunda tanış olmaq mümkündür: https://youtu.be/VlaMC2J2qTk Qeyd edək ki, Azərbaycan Respublikası Nazirlər Kabinetinin 2021-ci il 26 iyul tarixli 229 nömrəli Qərarına əsasən 1 sentyabr 2021-ci il tarixindən yaşı 18-dən yuxarı olan şəxslər ictimai iaşə müəssisələrində, mehmanxanalarda, iri ticarət mərkəzlərində göstərilən xidmətlərdən yalnız peyvənd və immunitet sertifikatlarının olduğu halda istifadə edə bilərlər. Bununla yanaşı olaraq, ali və orta-ixtisas təhsili müəssisələrində təhsil alan yaşı 18-dən yuxarı olan bütün şəxslərin peyvənd və immunitet sertifikatlarının olması tələb olunur
