Rizq jo kay sirf ALLAH ki zaat denay wali hay .is mein kami ya zayada ALLAH kay hi ikhtiyaar mein hay. ALLAH PAK ne insaan ko QURAN aur AHADEES kay zaraiya se woh subh kuch sikha dia hay kay jis par amal kar kay insaan apni deeni o dunyavi mushkilat ko door karwa sakta hay, yani ALLAH ki raza hasil kar sakta hay. jesay buhat se ANBIA A.S kay buhat se waqiat bhi miltay hain kay unhon ne apni apni duain keen aur ALLAH ne un par aur un ki ummat par reham kar dia, isi tarah hum bhi buhat se aisay aamal kar saktay hain kay jin se agar ALLAH ne chaha tu kamiyabi mil sakti hay, pakkay yaqeen aik kamil aimaan kay sath amal kijiye aur ALLAH par poora bharosa rakhiye aur deeni khidmaat mein apnay aap ko hamesha masroof rakhiye , ALLAH ne chaha tu kamiyabi door nahi hay.
