Это книга предназначена для студентов
Ma’lumki, lug‘atlar ta’lim samaradorligini oshirishda, o‘quvchilarning izlanuvchanlik qobiliyati va ijodkorlik mahoratini takomillashtirishda eng zaruriy qo‘llanma hisoblanadi. Lug‘atlar u bilan ishlayotganlarga, o‘qiyotganlarga hamma vaqt quvonch keltiradi. Masalan, biror so‘zning ma’nosini yoki u qaysi so‘z bilan birikishi mumkinligini bilmay xunob bo‘layotganimizda lug‘at yordamga keladi. Chunki hamma ham lug‘at boyligimizdagi barcha so‘zlarning ma’nosini bilavermaydi. Qolaversa, maktab o‘quvchilari so‘z birikmalari yoki gap tuzayotganlarida so‘zning ma’nosi nazardan chetda qolib, mazkur so‘zlarning bir-biri bilan birikishidagi ma’noviy va uslubiy munosabatlari orasida g‘alizliklar vujudga keladi. Mazkur lug‘at bu g‘alizliklarni bartaraf etishda, omonim, sinonim, paronim so‘zlarni farqlashda, ular yordamida soz birikmalari va gaplar tuzishda, bolalarning so‘z boyligini oshirishda ko‘mak beradi.
Lug‘at o‘quvchilar nutqida ko‘p uchraydigan mustaqil so‘zlar hamda hozirgi o‘zbek adabiy tili uchun xarakterli bo‘lgan omonim, sinonim, paronim so‘zlar va ular bilan birikuvchanlik hosil qilayotgan birikmalarni o‘z ichiga olgan.
Lug‘at alifbo tartibida tuzildi. Bir so‘z birdan ortiq ma’noni bildirsa, bu holat rim raqamlari bilan ko‘rsatildi.
ADASH I — 1. Adashini chaqirmoq.
ADASH II — 1. Adashib kelib qolmoq.
Har bir lug‘at maqolasi quyidagilardan tashkil topgan: 1) So‘z. 2). Shu so‘zga birikib kelayotgan so‘zlar qatori. 3). Misol va sitatalar.
Sheriy asarlardan olingan parchalarda misralar ketma-ket yozildi, misra boshidagi birinchi so‘z bosh harf bilan boshlandi.
