شيلة اتقل من الجبال كتفي محني ضهري مال
فجأة يجئ يجئ احتمال بس يجئ معاه ألف مليون سؤال
دنيا عافية ولا سالكه سكة ماشية ولا هالكة
دي الإجابة ولا ليها مالكه
دي اختيارنا يعني حالنا ولا طول عمره اضطرار
صدقيني لو بأيدي كنت اشيلك بين وريدي
كنت أنور عشان تقيدي
كنت اشقلك حجر واعدي بيكي
كنت اقطف من الدنيا خيرها
كنت آبقا نجمك في ليلها
كنت أزيح هموم الكون بكف
واخدك في حضني تستخبي تلقي خوفك أمان
ناس في وادي وناس في وادي
واحنا منهم فين السعادي
صعب أطولهم ولا عادي
مين في الدنيا عمرة كان دائم له حال
بكرة جايز يجئ قدي
يكون في صفي مش جاي ضدي
وإن مجاش ماهو راح يعدي
ومسيرها مركبنا تجبنا في يوم من الأيام
سيرينا يا دنيا سيري بينا يا دنيا
هيا زقه وتجيب في زقه
إوعى تتعب ما تقولش لاء
إرضى واجمد قدرك مشقة
والطريق عايز جدع مش بالكلام
واحدة واحدة وبكره تُفرج
مرة تصعب مرة تسلك
ما انت عارف ما انت أصلك
من البداية في الحكاية
يوم في جنة ويوم في نار
سيرينا يا دنيا سيري بينا يا دنيا
