ياوجودي كل مامريت يالظبي .. العفر
وجد من راحت حياته من مطار الى مطار
يوم شفتك تبتسم لي لابس الثوب الحمر
انفلت قلبي من ضلوعي وخلاني وطار
اوف يالبيه وشذا الزين؟ جعل ابرك شهر
انت شي كل ماشفته شعرت بالانبهار
مابعد عينك عيون ومابعد ثغرك ثغر
الملامح يامشاء الله كان والبسمه دمار
في عيوني والله انك احلى وارق من القمر
انت وجهك يخطف الانظار حتى فالنهار
فيك من شي السحاب وفيك شي من المطر
وفيك من شي المهاه وفيك من شي المهار
معك يازين السوالف والاغاني والشعر
واغنيه من كاظم الساهر وشاعرها نزار
فاقدك ماعاد جاني منك ياغايب خبر
مثل فقد الامن والامان داخل قندهار
مر واهزمني بعينك واعتبرني .. منتصر
الهزيمه فالهوى دايم بطعم الانتصار
اخط في حقي على كيفك ورح .. لاتعتذر
وجهك يخليني اسامحك من دون اعتذار
المفارق حربة توجع .. وكسرٍ فالظهر
كنت خايف من فراقك وكتبه ربي وصار
ايه ابجلس وانتظر وابنتظر وابنتظر !
انت حاجه ياحبيبي تستحق الانتظار
وين اروح وكيف ابنسى واستريح من السهر
دوروا لي قلب ثاني مايحب .. ولايغار
سكروا باب الحسايف وافتحوا باب الصبر
من بعد طول الهجر محتاج لي رد اعتبار ؛)
